Amdanom Ni

Mae gweithgareddau a pherthnasau C21 yn cael eu llywio gan y gwerthoedd canlynol:

 

• Mae C21 yn croesawu i’w gymdeithas unigolion o bob enwad Cristnogol yn ogystal ag unigolion nad ydynt yn aelodau eglwysig.

 

• Credwn fod lle i drafod y ffydd Gristnogol heb ddisgwyl unffurfiaeth, gan gydnabod bod yna ystod eang o safbwyntiau diwinyddol o fewn y gymdeithas Gristnogol Gymraeg.

 

• Mae C21 yn sefyll yn y traddodiad Cristnogol Cymreig ond rydym yn croesawu deialog gydag eraill o bob ffydd a phobl heb ffydd.

 

• Anogwn bawb i ymuno â’n trafodaethau yn onest, yn agored ac yn gwrtais, gan barchu safbwyntiau a barn ein gilydd.

 

• Mae C21 yn fudiad sy’n dathlu amrywiaeth y ddynoliaeth ac sy’n hyrwyddo ymagwedd gynhwysol at faterion sy’n ymwneud â ffydd, gan hyrwyddo cydraddoldeb a chyfleoedd cyfartal i bawb yn ddiwahân.

 

• Mae C21 yn cydnabod cyfrifoldeb y ddynoliaeth i barchu a gwarchod y greadigaeth ac yn cefnogi ymdrechion i ddiogelu ein hamgylchedd naturiol a lleihau effaith gweithgareddau dynol ar hinsawdd y blaned.

 

Mae C21 yn cydnabod bod gan Gristnogion gyfrifoldebau dyngarol tuag at ein cyd-ddyn a chefnogwn ymdrechion i hyrwyddo cyfiawnder cymdeithasol, gan geisio adlewyrchu y cariad, cyfiawnder a thangnefedd a adnabyddwn yng Nghrist o fewn y gymdeithas.